Um Okkur

Heimilisþrif var stofnað af Hafsteini Hannessyni og Auðbergi Daníelssyni árið 2013. Hugmyndin að fyrirtækinu kviknaði eftir að systir Hafsteins hafði pantað þrif hjá einstaklingi í gegnum sölusíðu, greitt fyrirfram en þjónustan var aldrei veitt.

Á þessum tíma var lítið um fyrirtæki sem buðu einstaklingum upp á fagleg heimilisþrif og sáu Hafsteinn og Auðbergur tækifæri til að afla tekna og bjóða upp á framúrskarandi þjónustu samhliða námi.

Þeir settu upp einfalda heimasíðu og áður en þeir vissu af var fyrsta pöntunin komin í hús. Þá var farið beint í næsta stórmarkað, keyptar hreinsivörur og heill dagur fór í að þrífa 80 m² íbúð hátt og lágt. Viðskiptavinurinn var hæstánægður og þar með var boltinn farinn að rúlla.

Síðan þá hefur Heimilisþrif vaxið jafnt og þétt. Lengst af störfuðu 4–6 starfsmenn hjá fyrirtækinu, en í dag telur hópurinn um 60 sem sinna þrifum fyrir heimili, fyrirtæki og leikskóla. Heimilisþrif hefur þrifið yfir 4 þúsund heimili á höfuðborgarsvæðinu frá stofnun og fer þeim fjölgandi með degi hverjum.

Allt starfsfólk Heimilisþrifa er ráðið sem launafólk, með tilheyrandi réttindum og starfskjörum samkvæmt gildandi kjarasamningum. Við leggjum mikla áherslu á gott starfsumhverfi, sanngjörn kjör og langtímasamband við starfsfólkið okkar.

Það sem byrjaði með tveimur námsmönnum, einfaldri heimasíðu og innkaupaferð í stórmarkað er því orðið að öflugu þjónustufyrirtæki sem sinnir einstaklingum, fyrirtækjum og stofnunum.